Вход Господень в Иерусалим. Тропарь, кондак, величание.

Разделы сайта: Вход Господень в Иерусалим - Молитвы двунадесятых праздников.

Молитва.

Господи Иисусе Христе Боже наш, в вышних со Отцем на Престоле седяй, выну на крылу от Херувим носимый и певаемый от Серафим, во днех же плоти Своея на жребяти осли сести изволивый нашего ради спасения, и от детей воспевание приявый и во Святый град Иерусалим прежде шести дней бытия Пасхи на вольную страсть пришедый, да спасеши мир Крестом, погребением и Воскресением Твоим! И якоже тогда людие, седящие во тьме и сени смертней, приемши ветви древес и ваиа от финик, сретоша Тя, Сына Давидова Тя исповедуя, такожде и нас ныне в предпразднственный день сей в подражание онех ваиа и ветви в руках носящих соблюди и сохрани. И якоже онии народи и дети “осанна” Тебе приношаху, сподоби и нам во псалмах и пениих духовных душами чистыми и нескверными усты прославити вся величия Твоя в праздник сей и во всю седмицу страсти Твоея и неосужденно достигнути и причаститися Божественныя радости Святыя Пасхи в пресветлые дни Живоноснаго Воскресения Твоего, да воспоем и прославим Твое Божество вкупе со Безначальным Твоим Отцем и Пресвятым и Благим и Животворящим Твоим Духом всегда ныне и присно и во веки веков. Аминь.

Тропарь, глас 1.

Общее воскресение / прежде Твоея страсти уверяя / из мертвых воздвигл еси Лазаря, Христе Боже. / Темже и мы, яко отроцы победы знамения носяще, / Тебе Победителю смерти вопием: / осанна в вышних, // благословен Грядый во имя Господне.
В общем воскресении прежде Твоего страдания удостоверяя, Ты. Христе Боже, воскресил из мертвых Лазаря. Поэтому и мы, как дети, нося знамение победы, восклицаем Тебе - победителю смерти: "Осанна в вышних, благословен идущий во имя Господне".

Тропарь, глас 4.

Спогребшеся Тебе крещением, Христе Боже наш,/ безсмертныя жизни сподобихомся воскресением Твоим,/ и воспевающе зовем:/ осанна в вышних, // благословен Грядый во Имя Господне.
Погребшись с Тобою в крещении, Христе Боже наш, мы Твоим воскресением сподобились бессмертной жизни и в песне восклицаем: "Осанна в вышних, благословен идущий во имя Господне".

Кондак, глас 6-й.

На престоле на небеси,/ на жребяти на земли носимый, Христе Боже,/ Ангелов хваление и детей воспевание/ приял еси зовущих Ти: // благословен еси, грядый Адама воззвати.
Восседая на небесном престоле, шествуя по земле на молодом осле, Ты, Христе Боже, принял хвалу от Ангелов и прославление от детей, восклицавших Тебе: "Благословен Ты, идущий призвать к Себе Адама".

Величание.

Величаем Тя, / Живодавче Христе, / осанна в вышних, / и мы Тебе вопием: // благословен Грядый во имя Господне.